ការជូនដំណឹងជាសាធារណៈ
គ្រឹះស្ថានមីក្រូហិរញ្ញវត្ថុ មហានគរ ម.ក សូមជម្រាបជូនដំណឹងដល់អតិថិជនទាំងអស់អំពីការប្តេជ្ញាចិត្តរបស់គ្រឹះស្ថានក្នុងការអនុវត្តបទប្បញ្ញត្តិឲ្យខ្ជាប់ខ្ជួន ដែលបានចែងដោយធនាគារជាតិនៃកម្ពុជា (ប្រកាសលេខ ធ៧.០១៧.២៩៩ ប្រ.ក) ស្តីពី ការដោះស្រាយបណ្តឹងអតិថិជនរបស់គ្រឹះស្ថានធនាគារនិងហិរញ្ញវត្ថុ ។
អតិថិជនទាំងអស់អាចផ្តល់ជាមតិយោបល់ ឬត្អូញត្អែរ ប្តឹងតវ៉ា អំពីការមិនពេញចិត្តលើផលិតផល ឬសេវាដែលបានផ្តល់ដោយគ្រឹះស្ថាន តាមរយៈបណ្តឹងផ្ទាល់មាត់ ឬជាលាយលក្ខអក្សរ តាមតម្រូវការរបស់លោកអ្នក តាមបណ្ដាញ និងមធ្យោបាយដូចខាងក្រោម៖
- អញ្ជើញមកកាន់សាខារបស់គ្រឹះស្ថានមីក្រូហិរញ្ញវត្ថុ មហានគរ ម.ក ដែលនៅជិតលោកអ្នកបំផុត ដើម្បីឱ្យយើងខ្ញុំដោះស្រាយបញ្ហាជូនលោកអ្នក
- ផ្តល់ពាក្យរិះគន់ ឬសំណូមពរដោយផ្ទាល់តាមរយៈបុគ្គលិករបស់គ្រឹះស្ថាន
- សារអេឡិចត្រូនិច info@mohanokor.com
- គេហទំព័រ http://www.mohanokor.com
- ប្រអប់សំបុត្រ សំណូមពរ
- ទូរស័ព្ទ ៖ ០៨៧ ៣៩៦ ៦៦៦/០៨៧ ៩២៦ ៦៦៦
- ទាញយកទម្រង់បណ្តឹងត្អូញត្អែរ
ទម្រង់បណ្តឹងត្អូញត្អែររបស់អតិថិជន
សំគាល់ ៖
- បណ្តឹងមិនត្រូវលើសពី ៦០ថ្ងៃ បន្ទាប់ពីបានជ្រាបអំពីបញ្ហាដែលបានកើតឡើង ។
- បណ្តឹងផ្ទាល់មាត់របស់លោកអ្នកអាចត្រូវបានដោះស្រាយក្នុងអំឡុងពេល ២ថ្ងៃនៃថ្ងៃធ្វើការ ។ ក្នុងករណីបណ្តឹងផ្ទាល់មាត់របស់លោកអ្នក ដោះស្រាយមិនទាន់បាន សូមលោកអ្នកអញ្ជើញមកដាក់ពាក្យបណ្តឹងជាលាយលក្ខណ៍អក្សរ ឬតាមរយៈអ៊ីម៉ែល ។
- បណ្តឹងជាលាយលក្ខណ៍អក្សរ អាចដោះស្រាយក្នុងអំឡុងពេលមិនលើសពី ៣០ថ្ងៃនៃថ្ងៃធ្វើការ បន្ទាប់ពីថ្ងៃទទួលពាក្យបណ្តឹង ។ ករណីដោះស្រាយមិនទាន់បាន យើងខ្ញុំនឹងជូនដំណឹងជាលាយលក្ខណ៍អក្សរទៅលោកអ្នក ដែលត្រូវការរយៈពេលប្រហាក់ប្រហែលគ្នាដើម្បីដោះស្រាយបន្ត ។
- យើងខ្ញុំនឹងជូនដំណឹងទៅលោកអ្នកជាលាយលក្ខណ៍អក្សរពីលទ្ធផលនៃដំណោះស្រាយ ។
- រាល់ព័ត៌មានរបស់លោកអ្នកត្រូវបានរក្សាអាថ៌កំបាំង ។
